話咁快,聽日就會返香港
嚟左台灣差唔多一個月左右
其中本來最令我期待既
係一直聽聞好多好食既小食
但食左咁多晚,其實唔多唔少有所失望
因為相比而言,我更為喜歡香港既小食
雖然係各有特色,但可能香港既
燒賣,咖哩魚蛋,飲茶文化
對我嚟講真係情有獨鍾
會多一份回憶,親切既味道
唔係隨處能夠食到
不過係台灣,我能夠感受到當地好濃烈既熱情
買杯茶,都可以同個售貨員哥哥傾足成個鐘
由茶既功用文化,傾到台灣既經濟發展
大佬,我買杯茶姐,討論唔駛咁沉重掛
佢既熱情,真係燃燒左整個沙漠,真係好L癲
不過講到台灣留畀我最美好既回憶
除左台妹熱情既衣著外
可能就係個份人情味